Levis exurgit Zephyrus
Et sol procedit tepidus
Iam terra sinus asperit,
Dulcore suo diffluit.
Ver purpuratum exiit,
Ornatus suos induit,
Aspergit terram floribus,
Ligna silvarum frondibus.
Quod oculis dum video
Et auribus dum audio,
Heu, pro tantis gaudiis
Tantis inflor suspiriis.
Tu saltim veris gratia
Exaudi et considera
Frondes, flores et gramina,
Nam mea languet anima