Music: Adiljan-Mahat
Arranger: Adiljan-Mahat
ئىزدىشەيلى
ئاسان ئەمەس ھەركىمگە ياشاش،
تۇرمۇش ئۈچۈن چاپتۇق ئالدىراش،
يىراقلىشىپ بولماي باغرى تاش .
ئىزدىشەيلى تۇغقان قېرىنداش .
ئىزدەشمىسەك بولماس كارىمىز،
كۆرۈشكەندە قالماس ھالىمىز .
تونۇشمايدۇ ھەتتا بالىمىز،
ئىزدىشەيلى تۇغقان قېرىنداش .
يەرگە بىر كۈن چۈشەر ئۇچقانمۇ،
قايتىپ كېلەر ئۆيدىن چىققانمۇ .
ئەسقاتىدۇ يامان تۇغقانمۇ .
ئىزدىشەيلى تۇغقان قېرىنداش .
قەلبىمىزگە مېھرى تولدۇرۇپ،
چاي ئىچەيلى بىرگە ئولتۇرۇپ.
ياتلاشمايلى قېرىنداش تۇرۇپ،
ئىزدىشەيلى تۇغقان قېرىنداش .