Lyrics: Tommaso Primo
Music: Tommaso Primo
'Nu viecchie puttaniere 'e 'nmiezo 'a via
scenneva 'o centro 'e Napule tutt''e sere
cercava 'nu mumento d'alleria
cu chi venneva ammore pe' mestiere,
'nu matrimonio 'e spalle ghiuto a male,
'na figliulella maje riconosciuta
e faticava 'o juorne dinto 'e spitale
pe' milletrecento euro o poco più.
Maronna nera,
ca staje dinto a 'nu vascio a via Tuledo
mo ca te spuse te faccio 'o curredo
mo levate 'a mutanda e 'o regiseno
Mamma d''o Carmine,
piccirenella ca staje pe' Via Argine
maliziusella ca nun te ne immagini
mi dici sono del segno della vergine.
'Nu viecchie puttaniere 'e 'nmiezo 'a via,
scenneva abbasce Napule tutt''e sere
pe' piazza Garibaldi, 'a Ferrovia
cercava carna fresca, ianca o nera.
"Signurinella quanto ve pigliate,
v'avverto si ve acchiappo so 'nu squalo"
"So vinte pe' 'na pella e 'nu grattino
v'avverto ca me chiammo Pasqualino
Maronna nera,
ca staje dinto a 'nu vascio a via Tuledo
mo ca te spuse te faccio 'o curredo
mo levate 'a mutanda e 'o regiseno
Mamma d''o Carmine,
piccirenella ca staje pe' Via Argine
maliziusella ca nun te ne immagini
mi dici sono del segno della vergine.
'Nu viecchie puttaniere 'e 'nmiez 'a via
dicette dinto 'o specchio “Nun me fide!”
fu catturato d''a malincunia
e se ne jette 'ngopp''o Rettifillo
'a notte cu l'età nun se vede 'bbuono
“Chi è sta fata aret' a stu lampione?”
E si accostò al ciglio della strada
sultanto pe' le chiedere “Quant'è?”
Ma 'a vita 'e 'na guantiera senza funno
avota 'e gira te presenta 'o cunto
'o sanghe dinto 'e vene se gelaje
quanno sentette “ Che faje ca, papà!?”
Maronna nera,
ca staje dinto a 'nu vascio a via Tuledo
mo ca te spuse te faccio 'o curredo
mo levate 'a mutanda e 'o regiseno
Mamma d''o Carmine,
piccirenella ca staje pe' Via Argine
maliziusella ca nun te ne immagini
mi dici sono del segno della vergine.