Lyrics: Anamish
तू असता जग सारे कवेत येते
आभाळी चांदणी चाहूल देते
चांदोबा रातीला लुकलुक होई
लाडके तुजसाठी गाते अंगाई
हा निळासा किनारा वारा घाले
तारे बघ सारे उब घेऊन आले
नभ करतो पाळणा ह्या लाटांचा
अवकाशातून शांत नाद हा नक्षत्रांचा
चांदण्या झोपल्या चंद्र नभी जाई
लाडके तुजसाठी गाते अंगाई
वाऱ्याचे झोके सय मायेची
छोट्याश्या हाताला लय ममतेची
डोळ्यात तुझिया स्वप्ने राणी
पाहता तुजला ये डोळा पाणी
झोप तुही आता झोपे नवलाई
लाडके तुजसाठी गाते अंगाई