Music: ROBERT FAYRFAX
Ave, lumen gratiae,
Fons misericordiae
Virgo fecundata,
Radix pudicitiae,
Spes aeterne gloriae,
Regina beata.
Ave venerabilis,
Mater admirabilis
Per quam lux est orta
Flos incomparabilis,
Splendor ineffabilis,
Felix caeli porta.
Ave novum gaudium,
Salutis exordium,
Lumen veritatis
Caeli luminarium,
Languoris remedium,
Forma sanctitatis.
Ave, lucis speculum,
Christi tabernaculum,
Virgo benedicta,
Que salvasti populum
Pariendo parvulum
Per quem mors est victa.