Lyrics: Jérôme Casalonga
Music: Jérôme Casalonga
Falendu par lu Niolu
Scala di Santa Regina
Seguidendu li m’ amichi
Carchi di strumentaria
Principiemu lu viaghju
D’una longa cantaria
Dopu a girata à lu ponte
Di Castirla in Barbanellu
Passaremu belle stonde
À scumpete in battellu
Pò sbarcà nant’à le sponde
Cumpiu u nostru caratellu
Avà simu per st’Italia
Pronti à fà stu viaghjone
Traversendu tuttu in furia
Azzingati à lu stradone
L’ochji aparti à cuntemplà
Ch’ùn si pò fà paragone
D’un paese cusì grande
Ci vogliu canta l’amore
Li mio vicini di sangue
Sublimali à tutt’ore
Lampa puru una chjama
Chì ti rispondu di core
Tempu ghjunti à l’arrivata
À canta ci simu messi
À chì ghjoca à chi sona
Tanti balli sò permessi
Tantu sì chì un fiore sbuccia
Cantu cantu cù Mariuccia
Bassu cù siconda è terza
In paghjella o terzettu
S’intunnava ogni canzona
D’alte cime più ch’un tettu
Era la nostra manera
Di campà nostru dilettu
Adduniti à lu bancu
Assetati più chè famiti
À beiè ci cumandemu
Per noi è li nostri amichi
Seri sera alculemia
L’amore d’Anastasia