Music: Robert Wylkynson/Russell Blacker
O Virgo prudentissima,
quam caelo missus Gabriel
supremi regis nuntius
plenam testatur gratia.
Cuius devota humilitas
Gemmis ornata fulgidis
Fidentis conscientiae
Amore Deum paruit.
Te sponsam factor omnium,
Te matrem Dei Filius,
Te vocat habitaculum
Suum beatus Spiritus.
Per te de tetro carcere
Antiqui patres exeunt;
Per te nobis astriferae
Panduntur aulae limina.