خاتىرەم بىتىنى ۋاراقلاۋىتىپ
ئۇچراتتىم بىراۋنىڭ قول يازمىسىنى
نامى يوق ۋەياكى يىزىلغان ۋاقتى
بار پەقەت بىر جۈملە سۆيىمەن سىنى
مەن ئاڭا تەلمۈرۈپ سۈرىمەن خىيال
بۇ كىمنىڭ سۆزىدۇر يازغاندۇر قاچان
ئۇ ماڭا تونۇشمۇ ياكى ناتونۇش
ھازىر ئۇ نەدىدۇر بارىمىدۇر ئامان
يازغانمۇ يا مىنىڭ دوس يارەنلىرىم
ئىيتىشىپ مەن بىلەن قىلغانمۇ چاقچاق
ۋە ياكى مەن ئۈچۈن ياش تۆكۈپ يۈرگەن
بولغانمۇ ئۆتمۈشتە شۇنداق بىر قىزچاق
قىز بولسا كىمدۇ ئۇ كىم بىلەن بىللە
تۈنلەرنى تاڭلارغا ئۇلايدىغاندۇ
ياكى ئۇ ھازىرمۇ سۆيگۈمنى كۈتۈپ
تەنھالىق چۆلىدە يىغلايدىغاندۇ