Lyrics: Dokpo
Music: Dokpo
Arranger: pachebeatzz
ང་མཁོ་བའི་འཚོ་བ་ངའི་རོལ་བཞིན་ཡོད།
ང་དུང་སའི་བུ་མོ་ངའི་གམ་དུ་ཡོད།
ད་ལྟ་ངའི་སེམས་ན་འཇིགས་སྐྲག་མེད།
ཕྱིར་བལྟས་ན་གོམ་རྗེས་ཡལ་རྒྱུ་མེད།
འདས་ཟིན་པའི་ལོ་ཟླའི་ནང་ངའི་ལམ་ལ་ཀྱག་ཀྱོག་མང་།
སྔོན་ཆད་ང་ལག་སྟོང་མཆན་ལ་བསྡུས་པའི་ལོ་ཟླ་མང་།
འདས་ཟིན་ལ་བདེ་མོ་བཞག་ཆོག ད་ལྟ་དངོས་གནས་འགྱུར།
ང་ཚོ་འཇིག་རྟེན་འདིའི་མགྲོན་པོ།རང་ཉིད་སྐྱིད་པར་བྱའོ།
ངའི་ནོར་བ་བདེན་དུ་འཇུག་འདོད།
བདེན་པ་ནོར་དུ་འཇུག་འདོད།
ལས་ཅི་བྱེད་རང་གི་ལག་ཡིན། གང་ལ་ཡང་ཁ་གཡར་ཁོམ་མེད།
དོན་ཅི་འགྲུབ་རང་ལ་ཐུག་ཡོད། སུ་ལའང་ཁག་མི་འགེལ།
ས་འཇིག་རྟེན་སྒྱུ་མའི་གྲོང་ན། བློ་ཁེན་ས་གཞན་ལ་མེད་ཀི
ལས་སྐྱིད་སྡུག་མི་ཚེའི་ཀློང་ན། ཡིད་ཆེས་ས་རང་ལས་མེད་ཀི
དཔའ་བཞག་དུས་ཁོ་ཡིན་ཁྱོད་ཡིན། དཔེ་བཞག་དུས་ཁོ་མིན་ཁྱོད་མིན།
I’m don‘t need fake friends
I lost my day one homie
མི་སེམས་ཀྱི་གནམ་མཁའ་བཀྲུ་པའི་ཟླ་འོད་ཀྱི་ཟེགས་མས།
མཚན་ལམ་འདིར་ང་ལ་སྤོབས་པ་གནང་ཞིང་།
ཡིད་ཀྱི་སྨོན་འདུན་གསོ།
ང་མཁོ་བའི་འཚོ་བ་ངའི་རོལ་བཞིན་ཡོད།
ང་དུང་སའི་བུ་མོ་ངའི་གམ་དུ་ཡོད།
ད་ལྟ་ངའི་སེམས་ན་འཇིགས་སྐྲག་མེད།
ཕྱིར་བལྟས་ན་གོམ་རྗེས་ཡལ་རྒྱུ་མེད།