Music: Loyset Compere
Le grant désir d’aymer m’y tient,
quant de la belle me souvient,
et du joly temps qui verdoye,
et hoye!
“Belle, je viens pars devers vous
pour avoir plaisir et secours:
vostre amour trop fort me guerroye.
et hoye!”
“Bienviengnez, amy, par amours;
or me dictes: que querez–vous?
Vous fault rien que de moy j’aye?
Et hoye!”
“Belle, par raison me convient
dire d’amours ce qu’apartient
que vostre amy tenu je soye.
Et hoye!”
“Je suys celle qui rien ne tient
a son amy, quant il y vient;
bien vous en monstreray la voye.
Et hoye!”
“Ce faulx jaloux souvent y vient:
lequel m’a dict qu’il me convient
de laisser l’amoureuse voye.
Et hoye!”
“Maiz, mon amy, c’est pour neant.
car quant de vous il me souvient,
mon cueur vit et volle de joye.
Et hoye!”