Lyrics: Carlo Smith
Music: Carlo Smith/Chiara del Vaglio
Dedicata a chi nun tene niente
Dedicata a chi dall'Italia all'oriente
Tene l'uocchie ‘nfuse e cu ‘e mmane vacante
Pe’ regalo vo’ sulamente 'a speranza
Sulo pace e speranza
Dedicata a chi sta durmenn p’ ‘a strada
‘Ncoppa a ‘nu cartone c’ ‘a maglia stracciata
Dedicata a chi è chiuso dint' a ‘na cella
dedicata a chi è sulo e a chi sta distante
A chisti emigranti
È Natale è Natale
È ‘nu juorno speciale
E stennimmo ‘na mano
A chi Nun tene ‘o ppane
Dedicata a tutt' ‘e criature d’ ‘o munno
Addo' ‘e bombe t’ accirene ‘e suonne
Quanta letterine pe’ Babbo Natale
Si ce puorte ‘a pace è 'o cchiù bello regalo
Dedicata a 'e cani ca stanne a ‘o canile
Pe’ regalo vonne ‘na casa e 'o padrone
Dedicata a chi cu ‘e capille cchiù janche
Parla cu isso sulo o parla cu ‘e santi
È Natale è Natale
E scurdammoce 'o mmale
Siente ‘a voce ‘e sta ggente
Ca nun tene cchiù niente
Dedicata a tutte sti femmene accise
Senza mai ‘na rosa e mai ‘nu surriso
Mo’ so’ stelle int’ a ll'uocchie e chi ‘e ppensa
So’ fotografie appese dint’ a ‘na stanza
È Natale è Natale
E scurdammoce 'o mmale
Siente ‘a voce ‘e sta ggente
Ca nun tene cchiù niente
È Natale è Natale
Tanti auguri è Natale
Ma stennimmo ‘na mano
Pure doppo Natale