Lyrics: K Umori T Debbarma
Music: K Umori T Debbarma
Ha-ha-ah-ha-ah; Ha-ah-ah-ah-ah-ah-ah~
Kaijakma kwtal maitwram thangna,
Aichuk wngkheno bwchai lam rwma;
Bolong thukroro bahai sipchawi,
Motom twilwlwk sago nangphaiwi;
“Khumni mungba tamo” swngkha hik saino,
“Kherengbar bubar” hwnwi sakha sai hikno;
“Kholwi rwdi ano, bernai ang khajuo”
A kokrokno khwnai sakha sai hikno;
“Bermanya jadu o khumno,
Bole chukhani khumse;
Ha-o bo achaiya bole,
Tongma bini kuchugo se.
Khajuo nung bono berkhe,
Hoolok wngthangnai angse;
Kerongno rakhokyai berkhe,
Khanai nwngbo Moophuk se.”
Ha-ha-ah-ha-ah; Ha-ah-ah-ah-ah-ah-ah~
Bebak kok khwnai, khaphurkha taibo
Khaju bernani bole ah khumno;
Hikni muchungma mwkhangno nugwi
Wansuk kha bwsai khak rwsino hwnwi.
Ha-ha-ah-ha-ah; Ha-ah-ah-ah-ah-ah-ah~
Phiya sakha sai “khagwi rwphano
Ang ongkhoryasak ta berdi khajuo”
Aswk motom khum yago simi twi
Tongwi manliya bo khaju beryawi
Hakhe saibo Hoolock khana chengsakha
Aborokno nugwi-hikbo amang chasakha
Khumno hao khitarwi, swlwgwi kapkha
Bwsai sama kokno bebak muito mansakha
“Bermanya jadu o khumno,
Bole chukhani khumse;
Ha-o bo achaiya bole,
Tongma bini kuchugo se.
Khajuo nung bono berkhe,
Hoolok wngthangnai angse;
Kerongno rakhokyai berkhe,
Khanai nwngbo Moophuk se.”
Ha-ha-ah-ha-ah; Ha-ah-ah-ah-ah-ah-ah~
Twilwlwk bahai wngwi tongkhwna;
Motom saharjak bolong pungkhwna;
Hathai thaisini rwchar tongkhwna,
Bahai bo nini chukha khukhwna;
Phiya bebak kwmai thana nangtikha
Raida swbaima swraimung nangkha.
Ha-ha-ah-ha-ah; Ha-ah-ah-ah-ah-ah-ah~