Lyrics: Walther von der Vogelweide
Music: Michael Popp
Sô die bluomen ûz dem grase dringent
same si lachen gegen der spilden sunnen
in einem meien an dem morgen fruo
in einem meien an dem morgen fruo
und diu kleinen vogellîn wol singent
in ir besten wîse die si kunnen
waz wünne mac sich dâ gelîchen zuo?
waz wünne mac sich dâ gelîchen zuo?
Ez ist wol halb ein himelrîche
Suln wir sprechen waz sich deme gelîche
sô sage ich waz mir dicke baz
in mînen ougen hât getân
und tæte ouch noch, gesæhe ich daz
und tæte ouch noch, gesæhe ich daz
und tæte ouch noch, gesæhe ich daz
und tæte ouch noch, gesæhe ich daz
Swâ ein edeliu schoene frouwe reine
wol gekleidet unde wol gebunden
dur kurzwîle zuo vil liuten gât
dur kurzwîle zuo vil liuten gât
hovelîchen hôhgemuot, niht eine
ein wênic umbe sehende under stunden
alsam der sunne gegen den sternen stât
alsam der sunne gegen den sternen stât
der meie bringe uns al sîn wunder
waz ist dâ sô wünneclîches under
als ir vil minneclîcher lîp?
Wir lâzen alle bluomen stân
und kapfen an daz werde wîp
und kapfen an daz werde wîp
und kapfen an daz werde wîp
und kapfen an daz werde wîp
Nû wol dan, welt ir wârheit schouwen？
Gên wir zuo des meien hôhgezîte!
Der ist mit aller sîner krefte komen
Der ist mit aller sîner krefte komen
Seht an in und seht an schoene frouwen
weders dâ daz ander überstrîte
daz bezzer teil, ob ich daz hân genomen
daz bezzer teil, ob ich daz hân genomen
Owê der mich dâ welen hieze
daz ich daz eine dur daz ander lieze
wie rehte schiere ich danne kür!
Hêr meie, ir müeset merze sîn
ê ich mîn frowen dâ verlür
ê ich mîn frowen dâ verlür
ê ich mîn frowen dâ verlür
......