Lyrics: Traditional
Music: Kanchan Jadhao
namāmīśamīśāna nirvāṇarūpaṃ
vibhuṃ vyāpakaṃ brahmavedasvarūpam ।
nijaṃ nirguṇaṃ nirvikalpaṃ nirīhaṃ
cidākāśamākāśavāsaṃ bhaje'ham ॥ 1 ॥
nirākāramoṅkāramūlaṃ turīyaṃ
girājñānago'tītamīśaṃ girīśam ।
karālaṃ mahākālakālaṃ kṛpālaṃ
guṇāgārasaṁsārapāraṃ nato'ham ॥ 2 ॥
tuṣārādrisaṁkāśagauraṃ gabhīraṃ
manobhūtakoṭiprabhāśrī śarīram ।
sphuranmaulikallolinī cārugaṅgā
lasadbhālabālendu kaṇṭhe bhujaṅgā ॥ 3 ॥
calatkuṇḍalaṃ bhrūsunetraṃ viśālaṃ
prasannānanaṃ nīlakaṇṭhaṃ dayālam ।
mṛgādhīśacarmāmbaraṃ muṇḍamālaṃ
priyaṃ śaṅkaraṃ sarvanāthaṃ bhajāmi ॥ 4 ॥
pracaṇḍaṃ prakṛṣṭaṃ pragalbhaṃ pareśaṃ
akhaṇḍaṃ ajam bhānukoṭiprakāśam ।
tryaśūlanirmūlanaṃ śūlapāṇiṃ
bhaje'ham bhavānīpatiṃ bhāvagamyam ॥ 5 ॥
kalātītakalyāṇa kalpāntakārī
sadā sajjanānandadātā purāri ।
cidānandasaṁdoha mohāpahārī
prasīda prasīda prabho manmathāri ॥ 6 ॥
na yāvadumānāthapādāravindaṃ
bhajantīha loke pare vā narāṇām ।
na tāvatsukhaṁ śānti santāpanāśaṃ
prasīda prabho sarvabhūtādhivāsam ॥ 7 ॥
na jānāmi yogaṃ japaṃ naiva pūjāṃ
nato'ham sadā sarvadā śambhutubhyam ।
jarājanmaduḥkhaugha tātapyamānaṃ
prabho pāhi āpannamāmīśa śambho ॥ 8 ॥