Lyrics: Marwan Moussa/Afroto
Music: Marwan Moussa/Afroto
اطرافي نملت من البرد مش باترعش
مستني خبر حلو، مستني خبر وحش
وجايلي احساس ان دي نهاية الفصل
مستني السما تعيط
مستني جنب النهر
مستني الخبطة ولأ مليش في علم الغيب
مستني الخبطة ومش بإيدي شيء
ناس مستنياني اديهم حاجة مش عندهم
في راسي مينا مليانة سفن
الرجولة مش هواية
ناس مستنياني اديهم حاجة مش جوايا
لحد امتى تنكر؟
لما الحيطان تضيق وستارة المسرح تنزل؟
بلبس الساعة في ايدي الشمال
بلبسها للشكل، مش فارقلي الساعة كام
بلاش تكلمونا، بلاش تعلمونا
هانمسح المعلومة، دماغ مفهاش مرونة
خدنا الطريق في مينيت
ذهاب وعودة في مينيت
ذهاب وعودة ولسه فيش اي حاجة اتحسنت
إدي الحاجات وقتها
إدي العيش لخبازه
فين الأبطال؟
فين التكافؤ؟
فين المنافسة؟ بسلّك بيها سناني
العالي يقعد بس مع العالي
برمي الشبك وارضى بالرزق في نهاية السنة
خايف رجلي تركب الهوا تهد اللي اتبنى
شايفينها سبق... انا شايفها رواية
بتغير الألوان، بغير الزوايا
أعملها انا معاك ماتقدرش تعملها معايا
باصص في الخريطة ومش لاقي نقطة بداية
عارف اني غريب
والله مانا الي بريد
الي بيقرب مني بيدمر حسيت ان ديناميت
الناس دي بتنافق
والناس دي بوشين
وانا من الناس دي بريء
تسألني انا مين لا
تسألني عن حالي هقولك مفيش
(LA LA LA)
تسألني مالك هقولك مليش
(LA LA La)
تسألني عن حالي هقولك مفيش
(LA LA La)
تسألني مالك هقولك مليش
(LA LA La)
بكلم نفسي انا بكلم نفسي
وتاني نكنسل على الواقع لما ينادي
تمانية في المية وضباب في الصدر ليلاتي
من غير المسكن بابدأ اسرح في البلاوي
محكمة في الجمجمة أنا القاضي وانا المحامي
ذهاب وعودة وانا لسه واقف
في الجيوب بواكي
في العيون كواكب
في الدماغ تردد
في الطريق حواجز
في المجال أوائل
بلف ادور كتير
بهد السور بدموع عشان مفيش بديل
مفيش وقت وامي نفسها تشوفني
ماما انا بنحت في الصخر
فيوم هكون فنان كبير
(YEAH)
من حقى فيوم اكون مرتاح
من حقى اطير
(YEAH)
موهوب وحولتو لمريض
(YEAH)
من حقى في يوم الف العالم واتزحلق ع الجليد (YEAH)
اطرافي نملت من البرد مش باترعش
مستني خبر حلو، مستني خبر وحش
وجايلي احساس ان دي نهاية الفصل
مستني السما تعيط
مستني جنب النهر
مستني الخبطة ولأ مليش في علم الغيب
مستني الخبطة ومش بإيدي شيء
ناس مستنياني اديهم حاجة مش عندهم
في راسي مينا مليانة سفن
الرجولة مش هواية
ناس مستنياني اديهم حاجة مش جوايا
لحد امتى تنكر؟
لما الحيطان تضيق وستارة المسرح تنزل