Lyrics: Pietro Buratti
Music: Reynaldo Hahn
La note è bela,
Fa presto, o Nineta,
Andemo in barcheta
I freschi a ciapar!
A Toni g’ho dito
Ch’el felze el ne cava
Per goder sta bava
Che supia dal mar...
Ah!
Che gusto contarsela
Soleti in laguna,
E al chiaro de luna
Sentirse a vogar!
Ti pol de la ventola
Far senza, o mia cara,
Chè zefiri a gara
Te vol sventolar.
Ah!
Se gh’è tra de lori
Chi tropo indiscreto
Volesse dal pèto
EI velo strapar,
No bada a ste frotole,
Soleti za semo,
E Toni el so’ remo,
Lè a tento a menar.
Mm!