Lyrics: Lankey
Music: Lankey
Recording: 高枫@CDG Music Studio
Mixing/Mastering：@kwanchen关初恒
如果冇记错 你应该读紧初中
血热嘅年纪 想证明自己 唔普通
模仿电视入面嘅明星 嘅一举一动
你都想变得一样耀眼 一样咁出众
但系点解 你嘅笑容越嚟越少
个天钟意开玩笑 增加你更多困扰
唔敢翻屋企 嗰个大人随时会发飙
想走出迷宫 搜索唔到出口嘅坐标
原生家庭嘅责罚 冇办法选择唔听
焦虑到肚痛 唯有安慰自己讲唔惊
爷爷系唯一靠山 不过唔经常喺厅
喺电视见过家暴直到听到妈咪喊嘅声
啱啱讲嘅所有嘢 唔系叫你认命
既然改变唔到环境就令自己变硬净
离开胎盘嗰刻代表去新嘅家
蝴蝶效应又如何当你座山开满花
好多谢你拣咗hiphop 毕生嘅兴趣
留低嘅每个痕迹 系我活过嘅证据
珍惜你喺哩一段路 遇上嘅同类
有啲会陪你癫好耐 万岁万万岁
总会有 牛鬼蛇神喺身边
每个名逐一划上横线 搞掂再翻篇
依家嘅生活翻天覆地 去咗新嘅城市
最终都系选择逃离相信系上天嘅意
咪好奇我结婚定仲未结婚
佛系到佢哋都关心我黏边条筋
水瓶时代 放眼望落 几多认真
唔擅长处理感情 所以特别小心
不如努力 赚更多钱
挑战各种极限 属性再加多点
擘大眼 action 一take过
不停播 演住玩玩住演
与其怨天又怨地 不如去创造条件
可能你听到哩度 唔希望变成为我
唔符合想象 同你想象嘅偏差太多
但我会继续绽放 为你发更多嘅光
业障或因或果 交俾我嚟挡 你嚟闯