Lyrics: Alex Romano/Pasquale Di Giglio
Music: Alex Romano/Stefano Gargiulo
Nun hê capito ca te voglio bene,
t’aggio regnuto d’ oro e d’argiento
ma t’è scurdata e me, pe’ sèmpe!
Ma nun te lasso,
nun te voglio perdere.
E quanno arriverà chillu juorno,
allora si, me chiammarraje “marito mio”,
no pe’ ddovere, né cu scuorno,
ma solo pe’ l’ammore ca te voglio.
Aiza ll’uocchie e guarda,
ammore mio nun me fa’ spantecà;
arap’e rrecchie e siente,
‘st’ammore ca nun me fa’ raggiunà:
‘o vòglio mo e pe’ sèmpe!
Nun hê capito ca te voglio bene,
t’aggio purtato ‘a luna e ‘o sole cócente;
nun te facevo ammancà niente,
ma nun te lasso,
nun te voglio perdere.
E quanno arriverà chillu juorno,
allora si, te chiammarraggio “sposa mia”
e si te penso notte e juorno
è solo pe’ l’ammore ca te voglio.
Aiza ll’uocchie e guarda,
ammore mio nun me fa’ spantecà;
arap’e rrecchie e siente,
‘st’ammore ca nun me fa’ raggiunà:
‘o vòglio mo e pe’ sèmpe!