Ghar Kab Aaoge (From "Border 2")

Lyrics: Javed Akhtar/Manoj Muntashir Music: Javed Akhtar/Manoj Muntashir Sandese aate hain, humein tadpaate hain Jo chitthi aati hai, wo poochhe jaati hai Ki ghar kab aaoge, ki ghar kab aaoge Likho kab aaoge Ki tum bin ye ghar soona, soona hai Sandese aate hain, humein tadpaate hain Jo chitthi aati hai, wo poochhe jaati hai Ki ghar kab aaoge? ki ghar kab aaoge? Likho kab aaoge? Ki tum bin ye dil soona, soona hai

Ye dil jo barson se tha khaali-khaali sa Kisi ke aane se saja Diwali sa Jage hain darwaaze kisi ki aahat se Savera hota kisi ki karvat se Main sochta karta hoon yahi tanhaai mein Ke chanda utrega meri angnaai mein Naseebon waali ne, kaan ki baali ne, chauth ki thaali ne Aur poochha hai mehndi ki laali ne Ki ghar kab aaoge? Ki ghar kab aaoge? Likho kab aaoge? Ki tum bin ye dil soona, soona hai Sandese aate hain, humein tadpaate hain Jo chitthi aati hai, wo poochhe jaati hai Ki ghar kab aaoge, ki ghar kab aaoge Likho kab aaoge Ki tum bin ye ghar soona, soona hai

Ye poochho aankhon ke jhalakte paani se Bichhadte hain koi kahaan aasaani se Main peeche chhod aaya, duaaein karti maa Ki usse bhi pyaari, mujhe ye dharti maa Kisi ne dheere se kaha tha laut aana Main raasta dekhoongi mujhe na tadpaana Jaagti raaton ne, ankahi baaton ne, adhoore vaadon ne Aur poochha hai uski yaadon ne Ki ghar kab aaoge? Ki ghar kab aaoge? Likho kab aaoge? Ki tum bin ye dil soona, soona hai

Badi yaad aati hai, kisi ki raaton mein Kalaai resham si, abhi hai haathon mein Shaayari jaisi wo, labon pe rehti hai Mohabbat jaisi wo, ragon mein behti hai Jo gudiyon se khele, wo gudiyaan yaad aayein Ki baaton-baaton mein usi ki baat aaye Mere dildaaron ne, gali-bazaaron ne, ki chitthi-taaron ne Aur poochha hai mere yaaron ne Ki ghar kab aaoge? Ki ghar kab aaoge? Likho kab aaoge? Ki tum bin ye dil soona, soona hai

Ae guzarne waali hawa bata Mera itna kaam karegi kya? Mujhe chhod ke jo chala gaya, use dhoondh la Koi rehguzar ya koi gali Mujhe aaj tak to nahin mili Jo mita sake ye faasla Jo mita sake ye faasla Meri saari jawaani le gaya Aur aankh mein paani de gaya Jise dohraaoonga umr bhar Wo aisi kahaani de gaya Ae guzarne waali hawa tujhe Hai qasam na rula aise mujhe Main kahaan se laaun wo dil bata Jisse ho qubool ye alvida Main wapas aaunga, main wapas aaunga Phir apne gaon mein, pyaar ki chhaon mein Tarasti aankhon se, kisi ki baahon se, ke ghar ke raahon se Kiya jo waada tha wo nibhaunga Main wapas aaunga, main wapas aaunga Main wapas aaunga, main wapas aaunga