Lyrics: Shiv Tandan
Music: Shiv Tandan
Ey watan tu ab ki baar
Karega kya?
Chunega kya?
Ye neta ke paas toh kitna bada mic hai
Aise dhuaanndedaar leader dekhe nahi life mein
Ye chhaati ko peetenge, baatein lapetenge
Filmein banaayenge, daaru pilaayenge
Changul mein tujhko aur mujhko phasaayenge
O bhai
Public
Sab kuch
Jaanti hai
Jhoothon ki bheed mein
sach pehchaanti hai
Aapki toh chandi hai
Accha seekha goron se,
Apni jeben bhar li
Dar bharke logon main!
Ab Baat cheet bhi rok do,
Tu deshprem tu deshdroh, bas
Tod tod ke desh ko
Baazaaron mein bech do!
Bik gaya har akhbaar
Maanega kya?
Padhega kya?
Ey Watan
Ab ki baar
Chunega kya ?
Karega kya ?
Ey watan tu ab ki baar
Karega kya?
Chunega kya?
Tumko kya laga? Hum haqiqat se aari hain?
Apni har jaati har mazhab se yaari hai!
Sunlo ye soochna janhit mein jaari hai -
Old ab band, ab naye ki baari hai.
India hai India, apni tanky full hai
Kuch kar guzarne ki khoon mein chull hai
Tapri ho hatti ho naukri ho PUBG ho
Writer ho coder ho driver ho darji ho
Sabki hai bazoo-e-kaatil mein zor
Baazu-on ki ginti hai do sau crore!
Baithte hi gaddi par
Lag jaate hain sab machalne
Bhool kar itihaas banaana
Lage hain sab itihaas badalne
Puraane toh galat the hi
Naye bhi sahi nahi hain
Dekh duniya kahaan chal di
Hum phir bhi waheen hain
Ey watan tu ab ki baar
Karega kya?
Chunega kya?
Toh jumlebaazi hata
Dhang ke naare laga
Khokhla sa deshprem
Deewaanon ko na sikha
Mitti ki aulaad hain
Naukar nahi hain note ke
Jitni Gandhi bhakt hain hum
Utne hi hain Bose ke!