Lyrics: Juna Sisham
Music: Juna Sisham
Setiap hari dong tinggal bicara
Kapan ko nikah atau kerja dulu kah
Sa pu telinga panas selalu dapat tanya
Salah sedikit mulut pedis bertingkah
Jang pikir sa tidak tau semua
Tanta ko gosip ke tetangga bicara
Sebenarnya sa bingung dengan ni semua
Sa ni kenapa dan sa salah di mana
Kerjanya bagosip saja
Telinga sakit dapat uji
Hari ke hari dengar lagi
Woi tante ko su paling pas
Ado sial sa su dapat bahas
Tinggal barancang awas kualat
Bibir bagoyang macam deng ulat kah
Malas pusing dengan koi
Jalani hidup itu yoi-yoi
Jang pikir sa tidak tau semua
Tanta ko gosip ke tetangga bicara
Sebenarnya sa bingung dengan ni semua
Sa ni kenapa dan sa salah dimana
Kerjanya bagosip saja
Setiap hari dong tinggal bicara
Kapan ko nikah atau kerja dulu kah
Sa pu telinga panas selalu dapat tanya
Salah sedikit mulut pedis bertingkah
Jaman sekarang banyak yang kancing
Ko coba umpan langsung ta pancing
Ni tanta mulut setelan kopling
Dong rancang orang yang lagi camping
Dong duduk baku cerita
Bikin viral macam berita
Mulut macam cacing pita
Pedis - pedis macam rica
Jang pikir sa tidak tau semua
Tanta ko gosip ke tetangga bicara
Sebenarnya sa bingung dengan ni semua
Sa ni kenapa dan sa salah dimana
Kerjanya bagosip saja
Tanta - tanta tukang gosip
Ada hantu leher panjang
De pu mulut sangat lancang
Setiap hari duduk rancang
Moncong macam kurang makan
Basibuk skali deng sa
Ko ganas ko yang tersiksa
Ko bukan siapa - siapa
Semua tu baik apa adanya
Pasukan tanta mulai cerita
Pikir kata buat kita - kita
Lupa masak baingat kita
Piring kotor siap picah - picah
Area medsos jadikan sarana
Trending dalam sebuah media
Telinga sakit dengar berita
Karna tanta dong yang mulut lincah
Jang pikir sa tidak tau semua
Tanta ko gosip ke tetangga bicara
Sebenarnya sa bingung dengan ni semua
Sa ni kenapa dan sa salah dimana
Tanta - tanta tukang gosip