Lyrics: RebelMan
Music: ChefRocka
Arranger: ChefRocka
我既闹钟一响 一扎醒 又到八点
刷个牙 洗个面 出门口 开始探险
人来人往 人行道 车声 吵到拆天
就要发癫 先发现 我禁lip 被人打占
返到公司迟到 就得返最低工资
万死 不辞职 我地甚至去睇中医
唔够训 点算？又收到欠款通知
暴风雨来临果阵 要准备多件风衣
想要丰衣 足食 我既周围都系压力
月光族既每一日我全身一文不值
一年快过一年又换咗几本日历
肚饿食即食面 我行路都会乏力
听到心灵鸡汤 就简直鸡同鸭讲
人生有赌注 赌输你同周润发讲
做做做 直到 做到 个天塌方
行系 市中心 但我住系横街窄巷
发晒偶斗 我训唔够 八个钟
强颜欢笑 要保持有 八个钟
老西讲野 我当佢发紧UP风
每日每夜 我 被迫营业中
耗尽能量过每日 就好似断咗电路
五时花 六时变 仲会存在变数
熟悉既街道 甚至执咗几间店铺
冇精神 三个字 就写系我既面部
想要将心比心 结果将我降薪
想稳如意郎君 既女人同我讲金
想要一路狂奔 一个人 睇黄昏
见到黑洞既深渊呢刻所以我信霍金
做一世既文员 一世流动人员
有车贷房贷一再考验我既生存
最怕遇到大风大浪 希望唔好沉船
年纪一大再大 佢话我 浪费能源
（算啦..枉你饱读诗书..
仲想爬到最高 似东方之珠）
我既心想赢 未跌过 边会知输
结果今日 放工 有解雇通知书