Lyrics: Jérôme Casalonga
Music: Jérôme Casalonga
S’eiu sò partutu per Tulò sta mane
È ch’ùn ti pudia lascià le mio pene amare
Soca s’è tù n’ùn m’ai capitu
Ti scriverò dinò è ancu à ziu
È s’alluntana la mio zitellina
Per campà quì cù la mio zilimbrina
D'abbandunà tuttu ! Cara vita passata !
Chì m'hà fattu cresce in la mio tarra amata
Oghje sì tù caru fratellu
À incalcà l'uva è curà Mustinellu
Avà per mè sti lochi Taravesi
Sò luminelli in capu sempre accesi
Sai tù per mè chì sta scelta d’amore
Castica lu mondu è mi strappe lu core
Hè statu un longu viaghju per mente
À rinvivisce avà mezu à la ghjente
Di campà quì eiu ne sò cuntentu
Mai più ti manderò nè lagni nè pientu