Lyrics: Sagar Siddham
Music: Sagar Siddham
Teri shan-o-shaukat se hi ye duniya bepata hai
Farz adaa karne ki aadat teri mujhko pata hai
Umra bhar utha ke sar chalna teri bas ye khataa hai
Labon par bas hasi mastak pe karmo ki jataa hai
Sunn ke aavajen teri log kehte hain ye saare
Waah kya baat hai dekhe nahi kabhi ye nazaare
Tera andaaz hai sabse alag jisme tu pukaare
Rehemat-e-zindagi taaqat teri tujhko sawaare
Pighalti dhara samay ki ab ye...
...Ho na jaaye paar
Koi soche na vo kar jaaye tu...
...Mann chaaye bahaar
Kabhi fisalti kabhi ye chalti...
...talwaar ki ye dhaar
Arre teri baat me jadoo kaisa...
...Ke nas nas pe ho vaar
Tujhi se dilo me ubharte
Vo majboot iraade kayi
Tu aasha ki kirne sajaata
Dikhaaye tu raahen nayi
Tera andaaz hai sabse alag tu ek mehfil hai
Kabhi uske baahar aana ye bohot badi mushkil hai
Vaqt aane par sahi kadam uthaane ke kaabil hai
Mushkilon me zindagi ki naavo ka tu saahil hai
Tinka tinka bachaaye tu ye jeevan aur ye dharti
Sabhi sang tere chalte sabhi sambhalte tabhi sawarti
Teri kadmon ki aahat se badalte kitne chehre
Poori duniya par bichha diye hain jaise sapne gehre