Lyrics: Raja Linga Reddy
Music: Raja Linga Reddy
వెండి మబ్బుల్లో నీ ప్రేమ నాకు
మంచు తుఫాన్ లెక్కుంటాది
పండిన సెలకల్లో పిండారబోసిన
వెన్నల లెక్క బాగుంటది
మత్తడి దూకేటీ చెరువును చూసిన
రైతు పానమోలే మస్తుంటది
మెత్తని మనసుకూ కొత్తగా ఆశలు
ఇగురు పెట్టినట్టు అనిపిస్తది.
ఎప్పుడెప్పుడు వస్తావో బావ
ఏలుపట్టి ఏలుతావో
నా కాలి మట్టెల సప్పుడు వింటూ
కాలమెల్ల దీస్తావో
మర్రిచెట్టుకున్న తొర్రలో ఒదిగిన
బురుక పిట్టా అవుతావో
గుబురు గుబురు గున్న మామిండ్లలో ఉన్న
రామచిలుక అవుతావో
పిరికిపెట్టుకోని ఉరుకుతున్న మేకపిల్ల అవుతావో
మురికి పట్టి ఉన్న తీయగా పాడేటి కోయిలై పాడుతావో
ఎప్పుడెప్పుడు వస్తావో బావ
ఏలుపట్టి ఏలుతావో
నా కాలి మట్టెల సప్పుడు వింటూ
కాలమెల్ల దీస్తావో
బుల్లెట్టు బండెక్కి తెల్లరేకల్లా
ఊరంతా తిరుగుతుంటాడే
వేప పుల్లతో పండ్లు తోముకుంట
గోడ సందుల కెల్లి చూస్తాడే
జాతరలో దొరికేటి కళ్ళద్దాలను
కాయుసుపడి పెట్టుకుంటాడే
చిల్లర వేషాలు ఎన్ని వేసిన గాని
చిట్టి గుండెకు వాడు నచ్చాడే
ఎప్పుడెప్పుడు వస్తాడో బావ
ఏలు పట్టి ఏలుతావో
నా కాలి మట్టెల సప్పుడు వింటూ
కాలమెల్ల దీస్తావో
గోరంత గుసలాటకు ఊరంతా
బద్నాము చెయ్యడే
నోరంతా తమలపాకును నములుతూ
నొయ్యకుండా మాట లాంటాడే
అయ్యా అవ్వ చెప్పిన మాట వింటాడు
ఈ సీతకు రాముడు వాడే
అందర్నీ తన వారే అంటాడు
అక్కరకు సాయపడు తూంటాడే
ఎప్పుడెప్పుడు వస్తాడో బావ
ఏలు పట్టి ఏలుతావో
నా కాలి మట్టెల సప్పుడు వింటూ
కాలమెల్ల దీస్తావో