Lyrics: Deepak Sharma
Music: Abhishek Bakhshi
Dur ho kar bhi kitne pass ho tum,
Gair ho kar bhi meri khaas ho tum,
Log to milte hain aaj bhi mehfil mein
Saaz to bajte hain aaj bhi mehfil mein,
Kho gayi hai jo woh awaaz ho tum,
Dur ho kar bhi kitne pass ho tum.
Dil ke jahan mein rahe jo har pal,
Sanson mein meri jo mehke har pal,
Rahenge aks jiske dil pe mere taan umar,
Zindagi jis bin shayad hi payegi guzar,
Dil ki tamanna rooh ki pyaas ho tum,
Dur hokar bhi kitne paas ho tum..
Kaise bhula paunga teri baaton ko,
Bahon mein simti sard bhari un raaton ko,
Kaise bhula paunga tere chehre ko,
Kaise chala paunga main waqt thehre ko,
Bhool na paunga woh ehsaas ho tum,
Dur ho kar bhi kitne paas ho tum.