Lyrics: TURSUN KIRIM
Music: Litip Qayil
Arranger: Litip Qayil
سېنى بار دەپ كۆڭلۈم توق ئىدى،
سەن بولغاچقا غېمىم يوق ئىدى .
ئاڭلاپ خەۋەر ۋىجدان سوتلىدى،
مەن بارغۇچە كېتىپسەن دادام .
ئاغرىپ ياتساڭ ھالىڭ سورالماي،
يانلىرىڭغا ھازىر بولالماي .
پۇشايماندا قالدىم چىدالماي ،
مەن بارغۇچە كېتىپسەن دادام .
ئاخىرقى رەت دىدار كۆرەلمەي ،
ۋىدالىشىپ خوشمۇ دىيەلمەي .
بۇ ئەلەملەرگە بەرداش بېرەلمەي ،
مەن بارغۇچە كېتىپسەن دادام .
ماڭالمىدىم سېنى كۆتۈرۈپ ،
قويالمىدىم يەرلىككە كۆمۈپ .
يىغلاپ قالدىم دەرتتە ئۆكۈنۈپ ،
مەن بارغۇچە كېتىپسەن دادام.