Lyrics: Zynder Malban
Music: Zynder Malban
[CHORUS]
Isinantabi ang iba, ako na muna
Kausap ang sarili, kasi sabi ko'y kaya
ko ring marating ang dati'y imposible
Hinahambing pa sa mga paimportante
[Verse 1]
Ilang taon ko rin inakyat ang bundok at alam ko sa sarili kong wala pa sa tuktok
At sa bawat paglingon pilit na kinakatok ang isip ko na labanan ang anumang dagok
Ng buhay kahit na medyo kakaiba
Ang landas na aking pilit tatahakin
Kahit na sumubsob ay pipiliting tumayo para makalakad ng papalayo
Hindi dahil sa nahihiya kundi dahil para din 'to sa pangarap ko
Marating ang nais
Mabagal man o mabilis
Mararating ko pa rin
[CHORUS]
[Verse 2]
At sa bawat paglingon, dun lang namamalayan
Malayo na'ng narating, pati na sa paroroonan
Pero 'di yun dahilan para ako'y panghinaan
Bagkus tumutulong pa para ako'y lumaban
Ga'no man katarik ang aking aakyatin
Hindi naman hadlang sa'king gustong abutin
Marating ang nais
Mabagal man o mabilis
Mararating ko pa rin
[CHORUS]
[Verse 3]
Nuon ay pinagtatawanan lang at palaging tampulan ng tukso
Ngayo'y meron nang kayang ipagyabang pero tahimik lang ako
Paa sa lupa at mata sa langit
Kahit na ano pa ang mangyari
Taas ang noo pa rin, aking haharapin anumang batikos
Handa 'kong harapin, kahit pasalubong sa akin ang malakas na agos
Marating ang nais
Mabagal man o mabilis
Mararating ko pa rin
[CHORUS]