Lyrics: Amgad El Qahwagy
Music: Ahmed Mostafa
شفافة زي ماس
سهرانة ف قلب كاس
خلتني اكون سعيد بدون ما اكون محتاج لناس
احضنها بين ايديا
تأثيرها يبان عليا
فرحة ف وريدي بتنتشر وكأنها وسواس
مش كل عشق في الحياة لازم أصلا يدوم
كتير بشر كان عشقهم أقوى من السموم
عقلي ف غياب الحلم أصبح مش مهم
قصرت انا الطريق ورحت عشقت سم
عطشان و رايح للسراب المر
وغريق مبسوط يتمرجح بين مد وجزر
..
بتنسيني الهموم
ما اقدرش انساها يوم
وكل شيء ف عنيها احلى..عنيهاكالنجوم
قايدين ف وسط ليل
مراية لكون جميل
مدمن أشوف الدنيا احلى بيها كل يوم
الحب ايه غير الحبيب يكون مابين ايديك
تسهر وتحكي معاه كتير ويبان حمار عينيك
والذكريات زي الصور متبعترين
وبكره مش مهم ييجي جاي لمين
حبيبتي مركبة ووربدي البحر
ويا النبض الفرحة تقيد بين مد وجزر
..
في غموض من الضباب
روحها بتشبه سحاب
دخان ازرق من الونس بيقرب الصحاب
تحضر أكون حبيب
ساعة ماتغيب أغيب
من غيرها احس كل شيء بيشبه للعذاب
ما الحب في الدنيا صبح انسان حافي وغريب
لازم يكون في مصلحة عشان تبات قريب ماتلومشي قلبي عشان مالوش غيرها حبيب
ومافيش دوا من غير ألم ..دا كلام طبيب
حتى الفرحة ويا حبيبتي .. هقول لك سر
عمرها ماتدوم لكن دايما مد وجزر