Lyrics: Hrutul Patel
Music: Hrutul Patel
Ye samay kya hai?
Ye samay kya hai?
Teen yaaro ki toli aur aadhi raat,
Nikli sehr pe, bikhre jazbaat…
Vaad vivaad se, chhedi ek baat,
Gol gol chakraaye ek hi sawaal…
Ye samay kya hai?
Ye samay kya hai?
Ye samay kya hai?
Ye samay kya hai?
Vigyaan ki maaya hai ya?
Sansaar ki kaaya hai?
Taaro ki dhool hai,
Ya baatein ye fizool hai?
Brahma ka auzaar hai,
Koi brham, koi anumaan hai,
Ganit ki koi bhool hai,
Ya baatein ye fizool hai?
Gol hai? trikon hai?
Ya fitrat iski jhol hai?
Shreni hai ya Tarkeeb hai?
Sur se pare sangeet hai?
Prachal ye, anant ye,
Pinrje sa achal hai ye?
Dwaar ya chaabi hai ya,
Ayaam koi anjaana ye…
Ye samay kya hai?
Hume jaana kaha hai?
Ye samay kya hai?
Hume jaana kaha hai?
Pichhli seat pe baitha Ateet,
Bhavishya dhaare aage ki seat!
Gaadi chalaaye apna vartamaan,
teeno ki toli sarvashaktimaan!
Ateet bhavishya,
Ke jhagde mein,
Yaadon aur sapno,
Ke lafde mein,
Pista rehta hai,
Apna vartamaan,
Puchhta rehta,
Ek hi sawaal….
Ye samay kya hai?
Hume jaana kaha hai?
Ye samay kya hai?
Hume jaana kaha hai?
Samay to jaise apni zindagi,
Laakhon sawaalo ki ye dillagi!
Jawaab saare jo dhoondhe tune,
To jatse badal de ye fitrat apni!