Lyrics: Noah Gsell
Music: Michael Kalt
Mis Handy lütet sturm nimm nöd ab bin ide Zone /
Sitz am Egge ufem Goldi trinken Slivo obenohne /
Figg uf Dominos-Ikone, isse fein wie Don Leone /
Oder früehner bide Nonna, mittlerwile muss sie schone /
Lauf vom Läbe – ja mir werded alt und nümm gebore /
Ghört de Tüüfel isch am warte pack de Lümmel bi de Ohre /
Gibe Figgs uf was si seged – verlahn nie mini Gägend /
De Shit isch Zone 10 und dine usserhalb vo Rägi /
Binen Master kein Student - de Shit nümm go studiere /
De Funk ih mine Vene sitem Chindsgi am radiere /
Strukturiere mini Lieder nöd nach Inhalt oder Themes /
En Vibe, en Text - alles clean /
Ich blibe positiv, au ohni Stift - ich drop en Vibe wo dini Ohre trifft /
Dis Girl am chläbe wienen Honigspliff /
Ich rock de Shit und realese am Geburtstag /
Mach eh chlini Fete und si ändet wie bi Woodstock /
Ich schribe eh Gschicht, hocke vorne im Schiff /
Mitem Usblick ufs Läbe ja ich känne die Bitch /
Söll nur nöcher cho, ich han kei Angst meh vor ihre /
Bin entspannt mittlerwile - bruch kei hand me zum Ziele /
Gahn an Tanz und ich fiire - das Läbe mit Bedacht /
am Mittag ide Sunne dänn chunnt Näbel und denn d Nacht /
Chasch der sicher si es passt – ziehnd durd Gasse trinked Schnaps /
Bro de Squad isch durschtig bringke Fläsche bring es Fass/
Rauch en Ascht aber ich brücht es paar Blüete /
Spotify am Überwise nur paar Rappe chunsch über /
Brücht en Lappe und drüber und es paar Latte am Haag /
Ich bringe Stimmig ih din Charre wie en Hustler uf Prag /
Hock im 8er und plan, de negsti Move er muesmer glinge /
Chume grusig wiene Klinge – zeige tusig Mittelfinger /
Homies shooted wänn ich singe - grad en Warnschuss ab /
Bro ich spriesse dur das game wienen Bambusstab