Lyrics: Traditional
Music: Traditional
Cracovia civitas,
te civium unitas,
te cleri pluralitas, virorum maturitas, matronarum fecunditas rerum ornat copia.
Te perfudunt clari fontes vallo tegunt alti montes,
hic pereunt omnes sontes summunt dona qui insontes decoraris gracia.
In te corpus iacet sacrum Stanislai, patris patrum,
hic thezaurus ingens fratrum, tu reluces ut theatrum.
Hic regina, mater matrum despiciens iam baratrum Hedwigis sumpsit gaudia.
Flos militum strennuorum in te fulget, cetus morum hic reperit tristis chorum, hic fons manat mel amorum carens flamma odiorum, scema spernis viciorum,
tu paris tripudia.
Tu regine venustatem, cuius vultus vetustatem nescit, sola honestatem
ut ver tendens ad estatem,
prefigurat maiestatem; intueris puritatem, preclara palacia.
Quam agmina puellarum astant pulcre consertarum; si quis ferat cor amarum et inspectet valde parum totam formam specierum, mox resumit cor sincerum et intrat solacia.
Phebus stellis constipatur, duobus natis recreatur Wladislaus primus fatur, Kazimirus alter datur, summus parens collaudatur, pater Deo commendatur
et inclita Zophia.
Consolentur corda mesta que abs prole sunt congesta; concrepemus leta festa, Wladislai quod ex testa nostro evo sunt digesta stirps preclara et honesta, futuris solacia.
Rerum primus conservator, carismatum qui es dator, ens encium et plasmator, collapsorum restaurator, supplex oro te peccator:
esto nostri adamator, da letari patria.
Alleluia.