Music: Robert Holyngborne/Russell Blacker
Gaude, virgo salutata,
Cui soli intimata
Dei est sentencia,
salutat primum angelus
quid ait tunc archangelus?
Ave plena gratia
Gaude quia tu Maria
concepisti virgo pia
sine viri semine
Jesus Christum novo more
absque poena vel labore
obumbrante flamine.
Gaude quam et salutavit
Elizabeth quae portavit
praecursorem filii;
illa statim prophetavit
proles ventre quae saltavit
vir magni consilii.
Gaude cum post nati partum
Reges magni est compartum
inspirato veniunt
natum tuum honorarunt
tria magna quae portarunt
ac Herodem fugiunt.
Gaude mater cum fugisti
in Egyptum quae inisti
ne periret filius;
26 tecum Joseph commigravit
missus Deo hoc mandavit
ut iretur citius.
Gaude templo Salomonis
quae vidisti cum patronis
disputantem filium
admirantum sapientes
tui nati sunt dicentes
divinum ingenium.
Gaude cum post mortem petit
celos natus et decrevit
ornare sedem tuam,
quam cum vitam hanc egisti
tu Maria mater Christi
haberes perpetuam.
Gaude cui preces dantur
quae cum audes relevantur
apud tuum filium.
Fac amemur te rogamus
ne post mortem pereamus
da sedes caelestium.
Amen.