Lyrics: Kerekelj 祯祯
Music: Cemelesai
I zua anga ti djaqali
A cemugecugecug tua paljing nua su varung
A ljeret nua ti djaqali
Matualju anga nua tjainan
A pasa qaljemeqem
Ljakua
Kinemenemu
Nanguanguaq api kacauan
Na semengac a I taladj
Kinemenemu
Nu cemalivat anga a nu levan
Kiavan anga
Su kipaula katua su si selapai
A napapusuljivatjan tjanusun
A samilingan
A sauqaljayan nimadju
Uri su si pacai aiyanga
Kinemenemu
Kisuna kacui sema tua maqulip
Lja mareka ku dravadrava
Maya samaljialjim
Kicacadjau ca ti djaqali
Ti kakunaven a vincaveca
Maya kidut timadju
Maya kisalu tua su varung tjaimadju
Nu inika sun a kikavilad tjaimatju
Kiavananga mapaulja
Asu kaljavaljavain
Kiavananga mapaljak ljemekuya
Tua sukinaqacuvungan
Kinaqacuvungan
Maya malingalingac
Tua kisunguaq qiniriqiri nimadju
Maya maljakaljakac
Tua siqaqivuan tua venca nimadju
Kinemenemu
Sa kiparu qayaqayam
A kisuqatjai sa inelayap
Maya malingalingac
Tua kisunguaq qiniriqiri nimadju
Maya maljakaljakac
Tua siqaqivuan tua venca nimadju
Kinemenemu
Sa kiparu qayaqayam
A kisuqatjai sa inelayap
Lja mareka ku dravadrava
Kicacadjau tua venecaveca namaitucu a ka kai yan
Kicacadjau
Kicacadjau namaitucu
A kakunaven a vincaveca
Kicacadjau tuca ti djaqali
A na mikemudana
Kicacadjau zua ti micaqian
Kicacadjau zua ti pinaljqan
Kicacadjau tuca ika na kemisalu a kagudan