Lyrics: Gregorio Flavio Caimi
Music: Gregorio Flavio Caimi/Alfredo Giammanco
U suli asciuga a madri terra e ‘u mari a vagna
E a liggi du mari è liggi di Dio
Accussi è e accussi av’ arristari
Si ni vulemu tutti salvari
Da ‘na terra nivura e cavura
A navutra siccata e spaccata
Nenti avianu nenti ci potumu rari
Distinu di sti genti chi veni du mari
Semu figghi di lu stessu Diu
Semu frati di lu stessu patri
Me patri m’insignau a dari aiutu a mari
E jeu ai me figghi soccu c’ha lassari
Si a leggi di l’omini unn’è liggi di Dio
Cancia strata quannu c’è peddri nivura a mari
Semu figghi di lu stessu Diu
Semu frati di lu stessu patri
Si un semu figghi di lu stessu Dio
Semu figghi di la stissa madri
Campamu tutti supra sta terra
Supra stu scogghiu ammenzu lu mari
A liggi du mari è liggi di Dio
Accussi è e accussi av’ aristari
Semu figghi di lu stessu Diu
Semu frati di lu stessu patri
Si un semu figghi di lu stessu Dio
Semu figghi di la stissa madri