شاتلىقىمغا سىغماي قالىمەن
ۋىسال كۈنى كەلسە يادىمغا
ئارزۇلارغا چۆمىلەر قەلبىم
گۈل چىرايىڭ كەلسە ئالدىمغا
يۈرەگىمدە سېغىنىش ئوتى
كەلدىم يەنە تونۇش بۇلاققا
سىرلىرىمنى تۆكتۈم مۇڭلۇنۇپ
سىڭىپ كەتتى قۇمغا-قىياققا
كۆكتە تۇرار يەنىلا شۇ ئاي
كۆيەر باغرىم ئۆرتەپ جۇدالىق
سۇ يۈزىدە ئاينىڭ شولىسى
ئاشىق ئۈچۈن بىرەر گۇۋالىق
ۋىسالىڭنى كۆرمىسەم ئەگەر
ئازاپلايدۇ مىنى جۇدالىق
شۇ بۇلاقتەك پاك بولغاش قەلبىم
ھېجرانىڭمۇ بىرەر خۇشاللىق