The Elfin Knight stands on yon hill
ba, ba, ba lily ba,
And he blows his horn baith loud and shrill,
And the wind has blown my plaid awa’.
If I had yon horn in my kist,
ba, ba, ba lily ba,
And were in the lad’s arms that I love best
And the wind would blow my plaid awa’.
Gin ye would be wed tae me,
ba, ba, ba lily ba,
There’s ae thing ye maun to me dee,
And the wind shall blow your plaid awa’.
I maun hae a fine linen sark,
ba, ba, ba lily ba,
Withoot a stitch o’ needlework,
And the wind shall blow my plaid awa’.
Ye maun wash it in yonder well
ba, ba, ba lily ba,
Where water never sprang nor fell
And the wind should blow your plaid awa’.
Ye maun dry it upon a thorn
ba, ba, ba lily ba,
That hasna bloomed since man was born
And the wind should blow your plaid awa’.
Gin I mak a sark for thee
ba, ba, ba lily ba,
There’s something you maun dee for me
And the wind should blow my plaid awa’.
My father has an acre o’ land
ba, ba, ba lily ba,
And ye maun ploo it wi’ your hand
And the wind should blow my plaid awa’.
Ye maun sow it wantin’ corn
ba, ba, ba lily ba,
And roll it all wi’ a sheep’s shank bone
And the wind should blow my plaid awa’.
Ye maun stook it in the sea
ba, ba, ba lily ba,
And bring the wheat sheaf dry to me
And the wind should blow my plaid awa’.
When you’ve done and finished your work
ba, ba, ba lily ba,
You’ll come to me, love, and get your sark
And the wind should blow my plaid awa’.
Blow winds, blow …