Lyrics: WEKIL
Music: WEKIL
VERSE:1
WEKIL
بۈگۈن مېنىڭ تۇغۇلغان كۈنۈم ئانا سىزنى سېغىندىم .
كۆزۈمدە لىق ياش راستلا بەك سېغىندىم .
سىز بولمىغاچقا يېنىمدا نۇرغۇن قېتىم يېقىلدىم .
ئانىسى بارلار ئالدىدا ، چەتكىمۇ قىقىىلدىم .
ئالالمىدىم ئانا سىزنىڭ رازىڭىزنى .
ئاڭلىغۇم بار قايتا ئاۋازىڭىزنى .
ئانا كۈچۈم يوق ، يېنىمدا سىز يوق .
ئۆيلەر بولسا زىمىستان ئىللىتقۇدەك نۇر يوق .
ئانا مېھرى ئىللىق قۇياش تەربىيىلىرى بىزگە مىراس .
باشقا مۇھەببەت يالغان بولسىمۇ ئانا مۇھەببىتى ئەزەلدىن راست .
ياتقان يېرىڭىز ئۇلۇغ بولسۇن مەندىن بىر تىلەك .
تولۇقلانمايدۇ ، لېكىن پۇچۇلغان يۈرەك .
نۇرغۇن سۆزۈم بار ، ئانا سىزگە دەيدىغان .
ھەر بىر ئېيتقان سۆزلىرىڭىز يۈرىكىمگە ئۇيۇلغان .
قانىتى سۇنغان قۇش بولدۇم ۋاقىتسىزلا كەتتىڭىز .
ئانا ، ئەسلى سىز ئىدىڭىز خۇشاللىقىم بەختىمىز .
HOOK: 1
X-NJ
ئانىلار ئۇلۇغ سۆزلىرىدە ھېكمىتى بار .
ئانىلارنىڭ تارىختا نۇرغۇنلىغان شۆھرىتى بار .
ئانىلارنىڭ يۈرىكىدە ئائىلىسى پەرزەنتى بار .
دۇنيانى تەۋرەتكۈدەك مەسۇلىيىتى ۋەدىسى بار .
VERSE: 2
WEKIL
كېچىكىپتىمەن ئانا ئۆزگەرسەممۇ ئەمدى .
چۈشەندىم بۈگۈن مانا ئانام يېگەن غەمنى .
ئىسسىق تاماق تەييارلاپ ساقلايتتىڭىز بىزنى،
كۆزلىرىمدەلىق ياش ئەجەب سېغىندىم سىزنى .
شۈكرى تاغدەك يۆلەنچۈكۈم ئاتام بار .
يېنىمدا بولمىسىمۇ قەلبىمدە پەرىشتە ئانام بار .
بەڭباشلىقتا مۇھىم بىلىپ ئويناپتىمەن ئويۇننى .
سىلەردىن ئارتۇق كۆرۈپتىمەن تالادىكى سورۇننى .
ئاسماندىكى ئاينى ئانا سىزگە ئوخشىتىمەن .
ماڭا دېگەن سۆزلىرىڭىزنى كىچىكلىكتە بىلمەپتىمەن .
ئانا سىز بولمىغاچ بۇرۇنقىدەك كۈلمەپتىمەن،
ئېسىمدە سىمايىڭىز سىزنى كۈلدۈرمەپتىمەن .
رازى بولۇڭ ئانا ئاق سۈت بېرىپ باققانغا .
ئوخشىتاتتىم كىچىكىمدە ، سىزنى ئانا قالقانغا .
ئانا قەلبى دېڭىزدۇر ئانا ئىنسان ئۇستازى .
ئانىلار بار ، ئۆيلەر گۈلىستانلىق گۈلزارى .
HOOK: 2
X-NJ
ئانىلار ئۇلۇغ سۆزلىرىدە ھېكمىتى بار .
ئانىلارنىڭ تارىختا نۇرغۇنلىغان شۆھرىتى بار .
ئانىلارنىڭ يۈرىكىدە ئائىلىسى پەرزەنتى بار .
دۇنيانى تەۋرەتكۈدەك مەسۇلىيىتى ۋەدىسى بار .