Lyrics: TJ-KING
Music: omad/Omad Awazbayg
Arranger: Omad Awazbayg
Qu'htam uzak cayzrat tag nayot ey,
Miskin me dil takati set barbod ey,
t'hom taya'fon azor gidor faryod ey.
Music ~
Sirid oson ata ranikht kilo wet'hq,
mubat qipond maxan kedak baqo wet'hq,
Kazwiyk th'om tayawon ner wuzod ey,
Music ~
Ner meri set asta sered alam ey,
He dard bayun qi t'hestam zoht kalam ey,
Kilo nemayd nawixt tanom sanam ey.
Music ~
Azdi tarawd qoy meri sawd tasalla,
Pec at g'hayrond azme yad max azala,
tawat wuz mer iwaw pa t'hest kabala.
Music ~
Qoy meri lewj herayam t'hoj pata yey,
Hal qi g'how t'ha mat'honj set max wada yey,
Kedos tom sawd g'harb he ar mala yey.
Music ~
Dil begino takdir kedos beram ey,
Pok me yadil gino qawg t'hod baram ey,
xiq pa mubat caha ixanj kanam ey.
Music ~
T'hedam qita ey bewafo awalo,
Woz weray a digar naso hajalo,
Ner taw umik me az awol habaro.
Music ~
He dilam t'hud t'hudam teri zaharo,
T'hojenj me dil teri nemoyd kamaro,
Meri qehjenj teri mas yot bowaro,
Music ~
Woz qidom beqiro adil para t'ho,
Nawazonam pegan-falo g'hadaro,
mubat te tar cemik nemoyd mas haro.