Lyrics: Rian Taime
Music: Rian Taime
Tra bisa lagi saling berbagi
Hanya ada ragu dan semu
Yang dulu sering bersama tong lalui
Sekarang hanya ada sa dengan rindu
Tra gampang sayang
Tra gampang sa lewat ini
Ko pergi kas tinggal sa deng sepi
Ko jatuhkan sa di dalam jurang dalam
Cinta ini su karam sa harap ko senang
Dengan ko pu pilihan
Deng dia ko inginkan
Tra usah balik tanya apakah sa baikbaik saja
Cinta yang tulus ko balas deng dusta
Ko terlalu sandiwara untuk sa yang begitu setia
Dengan ko pu pilihan
Dengan dia yang ko inginkan
Dar awal sa pu feeling su tra baik dg ko
Tra ikut sa pu hati hanya fokus ke ko
Sekrang yang sa dapat luka hati luka lagi
Su coba mo mengerti tapi keliru kali ini
Coba kalaw
Sa tra pernah mo kenal lebih dekat tong kenal ka
Tra bisa halaw
Ko pu pelukan hangat kali pertama bertemu sa
Bahkan trada sedikit pun iba
Waktu sa cintai ko begitu gila
Ko bukan lagi ombak yg teduh
Ko bukan lagi rumah yg utuh
Trausah ko mo tahan
Trausah lagi sayang
Ko jatuhkan sa di dalam jurang dalam
Cinta ini su karam sa harap ko senang
Dengan ko pu pilihan
Deng dia ko inginkan
Tra usah balik tanya apakah sa baikbaik saja
Cinta yang tulus ko balas deng dusta
Ko terlalu sandiwara untuk sa yang begitu setia
Dengan ko pu pilihan
Dengan dia yang ko inginkan