Lyrics: Dina El Wedidi
Music: Dina ElWedidi
بصفي للحياه الشمس تلسعني
عيونا ملهية والليل بيخدعني
وقلبي مليان جراح وهموم
واقفة في الماضي ودماغي توجعني
مش راضية بالحاضر مع انه بيسعني
ونجوم السما بتدور
بصفي للحياه والكون والليل بيمنعني ........
بحر كبير موج عالي
انزل فيه عمال يملاني
شروق وغروب انام وافوق
افكاري برضو ملازماني
طيور طايرة
ابصلها اكلمها اغنيلها
خريف وربيع
انا قلبي ضعيف
مش مأمنه الظروف
مش مخونة النفوس
مش مرتبة الحروف
بصفي للحياه والكون والليل بيسمعني
انسرق الزمن ودفعنا التمن علي اللي سبنا
واللي خانا واللي باع
رجلي اتلجلجت
الأرض اتشقلبت
أفكاري اتبدلت
الوهم خداع
بصفي للحياه والكون والليل بيمنعني