Lyrics: Tapan Ghosh
Music: Tamnay Verma
Jo Talvaron ki nok pe jeete hain,
Talvaron ki nok pe hi marte hain
Talvaron se kaam lene waale,
aksar sachchaai se darte hain
Vaada karna aasaan hai,
vaada nibhaana bada mushqil
Majboori ka bahaana karke,
log vaadon se mukarte hain
Jinhein karna ho,
kasmon-vaadon ki tassalli nahin dete
Kar-guzarne ke iraade
unke hauslon se ubharte hain
Chordo talvaar ki dhamki,
tordo jhoothe vaadon ka silsila
Ek haseen sham ki khaatir,
ek nayi subaah karte hain