Lyrics: Theeng Vang
Music: Theeng Vang
Nag hmo kuv rov qab
npau suav pom koj dua ib zaug
Nws thiaj lis ua rau kuv
Rov nco txog koj tshaj
Thaum ub ib npaug
Wb sib tso twb tsis tau ntev xwb
Twb tau plaub xyoos dhau los
Ziag no koj twb muaj dua ib tug
Ntshe koj twb tsis nco txog
Txoj kev hlub txoj kev nco
Ntshe tsuas yog tshuav kuv ib leeg
Ib ziag no ntawm koj ib sab
Nws twb muaj dua tib neeg
Los tuav koj tes los tuav koj npab
Thiab puag koj rau ntawm ib sab
Ib tug neeg qub zoo li kuv
Ntshe koj twb tsis nco
Koj twb hnov qab
Txoj kev hlub ua cas nws
Yuav zoo xws tag npaum li no
Thaum pib hlub txhua tus yeej xav
Hais tias yuav hlub tsis muaj hnub tso
Cas kuv thiaj koj wb yuav
Ua tsis tau raws li cov lus hais tseg
Hnub no kuv tsis muaj koj lawm
Luag yog tus tuav koj txhais tes
Kheev lam tig tau lub sij hawm
Rov qab mus rau yav tag
Cia kuv mam ua txhua tsav txhua yam
Kom tsis txhob cia wb sib plam
Seb puas yuav muaj hmoov tau koj
Los ua kuv tus me nkauj nyab
Kom cia wb kev hlub tsuas muaj
Xaus zoo li nyob hauv daim nam
Lub sij hawm nws dhau mus zuj zus
Cas txoj kev nco
Ntawm kuv tseem tsis tau ploj mus
Yuav mus txog thaum twg
Hauv kuv lub siab lub ntsws
Mam li tsis nco
Mam hnov qab tau koj
Qhov tseeb tiag kuv
Yeej tsis xav kom wb sib tso
Tsuas xav kom kuv muaj koj
Nrog kuv nyob ua ke ntawm no
Tiam sis koj twb muaj dua koj ib tug
Uas koj nyiam thiab koj hlub
Cia kuv ib leeg nyob ntawm no
Tseg rau kuv yog txoj kev nco
Hw . . .
Txoj kev nco
Hw . . .
Kuv tseem nco thaum wb mus ua si
Thaum wb koom taug ib txoj kev
Koj hais rau kuv luag ntxhi
Hais txog wb lub neej yav tom ntej
Txawm yuav zoo txawm yuav phem
Los yuav tsis muaj hnub tso tes
Txawm yuav muaj txawm yuav pluag
Los wb yeej yuav nyob ua ke
Kev hlub ces yog li ntawd
Thaum tau hlub tsuas xav muaj xaus
Thiaj lis ua tau tib neeg yog tau hlub ces
Yuav tsum hlub kawg nkaws
Wb kev hlub thaum ub
Zoo cuag li niam nkauj hnub
thiab txiv nraug hli
Thiaj xav tias koj yuav yog kuv tus
me nkauj Hmoob mus tag ib txhis
Sij hawm no kuv paub zoo tias
Koj twb muaj dua ib tug lawm
Ho ntawm kuv ces twb zoo
Mus nrhiav dua lwm tus txij nkawm
Tiam sis kuv pheej tseem xav nyob kuv
Ib leeg zoo li no
Vim tsis xav hlub ntxiv lwm tus
Tsam ho raug luag tso
Hais txog kev hlub ntawm wb
Tsuas zoo cuag li ib nthwv cua
Tau los sib ntsib ib zaug
Ua rau lub siab lwj qhuav
Txawm yuav nco koj tshaj ib npaug
Los koj twb tsis nrog kuv nyob lawm
Mam cia muab ua ib zaj dab neeg
Mus ua ib txoj kev kawm
Lub sij hawm nws dhau mus zuj zus
Cas txoj kev nco
Ntawm kuv tseem tsis tau ploj mus
Yuav mus txog thaum twg
Hauv kuv lub siab lub ntsws
Mam li tsis nco
Mam hnov qab tau koj
Qhov tseeb tiag kuv
Yeej tsis xav kom wb sib tso
Tsuas xav kom kuv muaj koj
Nrog kuv nyob ua ke ntawm no
Tiam sis koj twb muaj dua koj ib tug
Uas koj nyiam thiab koj hlub
Cia kuv ib leeg nyob ntawm no
Tseg rau kuv yog txoj kev nco
Hw . . .
Txoj kev nco
Hw . . .