Music: William Horwood/Russell Blacker
Gaude, virgo mater Christi
Quae per aurem concepisti,
Gabrielis nuntio.
Gaude, quia Deo plena
Peperisti sine poena,
Cum pudoris lilio.
Gaude, quia tui nati
Quem dolebas mortem pati,
Fulget resurrectio.
Gaude Christo ascendente,
Et in caelum te vidente,
Motu fertur proprio.
Gaude quod post ipsum scandis,
Et est honor tibi grandis,
In caeli palatio.
Ubi fructus ventris tui,
Per te detur nobis frui,
In perenni gaudio.
Amen.