The love that I hae chosen, was tae my heart’s content
The saut sea will be frozen, before I do repent
Repent it will I never, until the day I dee
Tho the lowlands o Holland, hae twin’d my love and me
My love lies in the saut sea, and I am on the side
Enough tae break a young thing’s heart wha lately was a bride
Wha lately was a bonnie bride wi pleasure in her e’e
And the lowlands o Holland hae twin’d my love and me
My love he built a bonnie ship and sent her tae the sea
Wi seven score brave mariners tae bear her company
Three score gaed tae the bottom, and three score died at sea
The lowlands o Holland hae twin’d my love and me
My love he built another ship and sent her tae the main
He had but twenty mariners and a’ tae bring her hame
The stormy clouds did roar again, the raging waves did rout
And my love and his bonnie ship turn’d widdershins about
(间奏)
There shall nae mantle cross my back, nae comb cam in my hair
Neither shall coal nor candlelicht shine in my bower mair
Nor shall I hae another love until the day I dee
I never loved a love but ane and he’s drown’d in the sea
Oh haud yer tongue my dochter dear, be still and be content
There are mair lads in Gallowa, ye needna sair lament
O there is nane in Gallowa, but nane at a’ for me
For I never loved a love but ane and he’s drown’d in the sea