Lyrics: RiTSAR
Music: RiTSAR
Arranger: RiTSAR/KSC
« دادامغا خەت »
Hook :
خاتىرەمنى ئاچتىم يەنە ئۆرۈپ يېڭى بەتلەرنى ،
قەلەم ئالدىم ئوڭ قولۇمغا دادامغا يازدىم خەتلەرنى .
تۆكۈۋەتتىم تېكىست ئىچىگە ئىچىمدىكى گەپلەرنى ،
قويۇۋەتتىم ئاسمىنىمغا « ئۆتمۈش » ناملىق كەپتەرنى…
كىچىكىمدە مەھەللىدە بالىلار بوزەك ئەتكەندە ،
چوڭ بولغاندا قىز دوستۇممۇ مىنى تاشلاپ كەتكەندە .
كۆڭلۈم يېرىم بولاتتى كەمسىتىشكە ئۇچرىغاندا ،
يۈرۈكۈم ياشقا تولاتتى دادا سەن يادىمغا يەتكەندە !
VERSE 1 :
بىلمەيدىغىنىم بەك كۆپ ئىدى سەن ماڭا بىلدۈرەتتىڭ ،
ئەجىر قىلىپ ئېتىزلاردىن ئۇرۇقلارنى ئۈندۈرەتتىڭ .
نەگە بارساڭ ئەگىشەتتىم ئۇنىماي قالساڭ تەگىشەتتىم ،
جاھىل بولساڭمۇ ئاخىرىدا ۋېلسىپىتقا مىندۈرەتتىڭ .
ئەقلىمنى بىلسەم سەمىرىپ باقمىدىڭ ئورۇق بەدىنىڭ ئىسكىلىت ،
ئۆيىمىزدىكى تۇنجى ماتورلۇق قاتناش ئۈچ چاقلىق موتسىكلىت .
ئۇنى ھەيدەپ تاڭ يورۇماستا باراتتىڭ سەن قۇشخانىغا ،
چۈش بولغىچە كىرا قىلىپ قاسساپلارغا گۆشخانىغا .
10,20 قوينىڭ گۆشىنى كۆتۈرۈپ ھارۋىغا باسقۇچە ،
ئۇنى ئاپىرىپ گۆش دۇكىنىغا كانارغا ئاسقۇچە .
نەچچە يۈز قېتىم ئۇچلۇق تۆمۈر سانجىلغانتى قولۇڭغا ،
تامچە-تامچە تەرلەر ئاققان قەدەم باسقان يولۇڭغا .
چۈشتىن كىيىن بارار جايىڭ باشقا ئەمەس ئېتىزلىق ،
چۈنكى بىز شەھەرلىك ئەمەس تىگىمىزدىن يىزىلىق .
ئېلىۋالىسەن بىرتال توقاچ بىلەن ئىسسىق چاينى ،
ئىشتاننىڭ ئاستىنى تۈرۈپ پېتىقلايسەن لاينى .
يانچۇقتا پۇل بولسىمۇ ئاشخانىدىن تاماق يىمەيتىڭ ،
كىيمىڭ يىرتىلىپ كەتسىمۇ يېڭى كىيىم كىيمەيتىڭ .
خۇشال بولساڭ دەيتىڭ ئەمما ئازابىڭنى دىمەيتىڭ ،
سەۋەبىنى چوڭ بوپ بىلدىم كىچىكىمدە بىلمەيتىم .
بەدىنى قاتقان ، جاپانى تاتقان ، ئىرادىسى گويا پولات-تۆمۈر ،
ئائىلە ئەگەر مەش بولسا دادام ئۇنىڭ ئۈچۈن ئوتۇن كۆمۈر .
تۇرمۇش بولسا يەتتە باشلىق يالماۋۇز مېنىڭ دادام چىنتۆمۈر ،
شۇ جاپاكەش دادىلارغا تىلەيمەن مەڭگۈ ئۇزۇن ئۆمۈر .
Hook 2 :
خاتىرەمنى ئاچتىم يەنە ئۆرۈپ يېڭى بەتلەرنى ،
قەلەم ئالدىم ئوڭ قولۇمغا دادامغا يازدىم خەتلەرنى .
تۆكۈۋەتتىم تېكىست ئىچىگە ئىچىمدىكى گەپلەرنى ،
قويۇۋەتتىم ئاسمىنىمغا « ئۆتمۈش » ناملىق كەپتەرنى…
كىچىكىمدە مەھەللىدە بالىلار بوزەك ئەتكەندە ،
چوڭ بولغاندا قىز دوستۇممۇ مىنى تاشلاپ كەتكەندە .
كۆڭلۈم يېرىم بولاتتى كەمسىتىشكە ئۇچرىغاندا ،
يۈرۈكۈم ياشقا تولاتتى دادا سەن يادىمغا يەتكەندە !
VERSE 2 :
قەھرىتان قىشتا ، پىژغىرىم يازدا جاپادىن قوقماي تىرىشتىڭ ،
تەقدىر-قىسمەت ئاچچىق بولسىمۇ ئۇنىڭ بىلەن قېرىشتىڭ .
گۆشنىڭ ھىدى كېپ تۇراتتى يانچۇقۇڭدىكى پۇللاردىن ،
زەخمە ئىزلىرى كۆرۈنەتتى ئاشۇ بىرجۈپ قوللاردىن .
ئۇنتۇمايمەن ئەسكىلەرنىڭ ساڭا قوپال مۇئامىلىسىنى ،
ئۇنتۇمايمەن ياخشىلارنى بىلمىسەممۇ فامىلىسىنى .
پاراڭلىشاتتۇق سەن بىلەن بارماق تىلدا ئىشارەت ،
بەلكىم بۇمۇ بىز بىلمىگەن ياخشىلىقتىن بىشارەت .
جىنىم دادا مېنىڭ بەكلا ئاڭلىغۇم بار ئاۋازىڭنى ،
نىسىپ بولسا ھامان بىركۈنى ئاڭلاتقۇم بار ئاۋازىمنى .
تىل بىلەن دىيەلمىسەڭمۇ دادا بىزگە كۆيەتتىڭ ،
« دېھقان ئاتام »سەن مېنىڭكى تەبىئەتنى سۆيەتتىڭ .
تېرەتتىڭ سەن خامان سورۇپ ئۇچۇپ كەتكەن بىرتال داننى ،
تېرەتتىڭ سەن بىز چېچىۋەتكەن بىرنەچچە تال ئۇۋاق ناننى .
ئائىلە ئۈچۈن تەر ئاققۇزدۇڭ ھەم كۆيدۈرۈپ جاننى ،
سۈپەتلەشكە ئاجىز كىلىمەن سەندەك ئۇلۇغ قەھرىماننى .
بىلىمەن دادا رەپلىرىمنى ھەرگىزمۇ ئاڭلىمايسەن ،
كىچىكىمدىن كۆيۈنىسەن-يۇ ئەمما قەتئىي داڭلىمايسەن .
چۈنكى ئاڭلىيالمايسەن ، چۈنكى سۆزلىيەلمەيسەن ،
ئىككى ئەزايىڭ مىيىپ بولسىمۇ قەلبىڭ ساق كىشىلەردىن ئۈستۈن !
يىللار ئۆتۈپ ئاق سانجىلدى سېنىڭ قاپقارا چاچلىرىڭغا ،
سەپسالدىم ئاق كىرىپتۇ ساقال-بۇرۇت قاشلىرىڭغا .
تۇرمۇش سېنى ھالسىراتتى كەتتىڭ بەل پۇت تىزلىرىڭدىن ،
ساڭا يىتەلمىسەممۇ بېسىپ ماڭىمەن ئىزلىرىڭدىن .....