CAPVT XIX
The Aged Playwright Sophocles Holds His Own
Quam multa senēs in mentibus tenent!
Sī studium grave et labor et probitās in senectūte remanent,
saepe manent etiam memoria, scientia, sapientiaque.
Sophoclēs, scrīptor ille Graecus, ad summam senectūtem tragoediās fēcit;
sed propter hoc studium familiam neglegere vidēbātur et ā fīliīs in iūdicium vocātus est.
Tum auctor eam tragoediam quam sēcum habuit et quam proximē scrīpserat,
“Oedipum Colōnēum,” iūdicibus recitāvit.
Ubi haec tragoedia recitāta est, senex sententiīs iūdicum est līberātus.
Catullus Bids a Bitter Farewell to Lesbia
Valē, puella—iam Catullus obdūrat.
Scelesta, vae tē! Quae tibī manet vīta?
Quis nunc tē adībit? Cui vidēberis bella?
Quem nunc amābis? Cuius esse dīcēris?
Quem bāsiābis? Cui labella mordēbis?
At tū, Catulle, dēstinātus obdūrā.
Message from a Bookcase
Sēlectōs nisi dās mihī libellōs,
admittam tineās trucēsque blattās!